بعدما دشنت حملة بورسعيد تستحق منذ ايام قليله واصلت خطواتها في توعية الشارع البورسعيدي بصفه مبدئيه في حي الزهو وذلك لعقد المؤتمر القادم هناك
اطلق محمد خضير منسق الحمله نداءه لسكان المنطقه هذا نصه
يابن بلدى:
مخنوق من المكان اللى انت عايش فيه ؟!!
زباله .. ومجارى .. وفئران .
خايف على صحتك .. وصحة أولادك !!
ايه رأيك!!
تحب وانت قاعد فى بيتك .. تشم ريحة الورد والفل والياسمين !!
تحب تنزل من بيتك تلاقى جنينة .. تقضى فيها انت وحبايبك وقت جميل !!
تحب كل ده يحصل .. وكمان تلاقى ليك أو لحد من حبايبك فرصة عمل معقولة !!
يبقى .. تبدأ بنفسك .. وبعمارتك
المطلوب منك:
- تختار مجلس ادارة للعمارة اللى إنت ساكن فيها (مأمور– نائب – امين صندوق)
- وكل مأمورى العمارات اللى فى المنطقة بتاعتك هيختاروا من بينهم مجلس إدارة للمنطقة.
- مش مطلوب منك غير حضورك ومعاك صورة البطاقة
ومفيش يوم احسن من عيد رأس السنه الهجريه يوم الاربعاء 14/10/2015بعد صلاة العشاء علشان تعملوا اجتماع لسكان العماره وتختاروا من بينكم مجلس الادارة
واحنا هنساعدكم فى كتابة محضر الاجتماع وتسجيله بالحى
المطلوب من مجلس إدارة المنطقة
1) ها يخلى المساحه الفاضيه اللى قدامكم وبين العمارات جنينة علشان تكون نادى إجتماعى لأهالى المنطقة وهايقدم الخدمات اللى إنتوا هاتطلبوها منه جوه النادى أو بره النادى .
2) هايساعدوا شبابكم اللى مابيشتغلوش فى تكوين شركة خدمات ( نظافة وصيانة ) والشركة هاتجمع القمامة من المنازل وهاتقوم بنظافة السلالم والمناور ومداخل العمارات وكمان هتكون مسئولة عن نظافة الجنينة وتقديم الخدمات جواها
المطلوب من الحى
1)هايقوم بتقسيم الحى إلى مناطق متجانسة يكون فى كل منطقة مساحة فاضية أو أكثر وسط العمارات .
2) الحى هايوفر كل امكانياته لتنظيف المنطقة من الزبالة والصرف الصحى ، وكمان هاينور المنطقة، ويجهز الجنينه صح ..وتسليمها لمجلس الاداره .
يعنى البداية : منكم .. ومن عندكم
علشان كده :عاملين مؤتمر – بحضور رئيس الحى –بالجنينه اللى انتم عملتوها بالجهود الذاتيه (اللى خلف مدرسة هدى شعراوى)..
بعد صلاة الجمعة يوم16/10/2015
هانشرح الفكره لكل اهالى بورسعيد.. وهانقولهم ان تنفيذ الفكره بدأ من عندكم وان مجلس ادارة المنطقة بتاعتكم اول مجلس يتكون وها يستلم الجنينه فى المؤتمر من رئيس الحى .
خليك قائد فى منطقتك وشارك معانا :
نخلى حى الزهور اسم على مسمى
للتواصل :الحاج السيد الدسوقى (ابو محمد 01221651815)– عماره22 شقة1 – على بن ابى طالب - منخفض التكاليف .
مع تحيات حملة"نعم ..بورسعيد تستحق"
01270211178/01001826147
ملحوظه:مفيش حد فى الحملة نازل الانتخابات والحمله مستقله عن الاحزاب
اترك تعليقا:
