سها محمد
المنتخب الارجنتيني اللي حيواجه المنتخب البوليفي اليوم في العاصمة لاباز بيتعاطي لاعبوه بعض العقاقير المسموح بها مثل الكافيين والباراسيتامول والأهم بيتعاطوا Sildenafil او الفياجرا وهي مصرحة رياضيا بالمناسبة
الفياجرا غير استخدامها الشائع طبعا قبل الممارسة الجنسية فهي بتوسع الاوعية الدموية الخاصة بالرئة وتحسن من القدرة علي العمل تحت ضغط أكسجين منخفض ، ليها استعمال طبي شهير لعلاج حالات الـ pulmonary hypertension او ارتفاع ضغط الدم الرئوي
ليه لاعبي المنتخب الارجنتيني حياخدوا فياجرا طيب النهارده ؟ عشان لاباز هي اعلي عاصمة لبلد متواجدة علي سطح الأرض ، ارتفاعها 12 الف قدم فوق سطح البحر بالتالي كمية الأكسجين أقل بكتير من الاحوال الطبيعية ، قبل كده ليونيل ميسي قائد ونجم المنتخب الارجنتيني اصيب بالاعياء من نقص الاكسجين وتقيأ في الملعب ، و انخيل دي ماريا لم يتحمل اللعب تحت الاكسجين المنخفض ده في عام 2009 واحتاج لماسك اكسجين ، فالجهاز الفني الارجنتيني بيتفادي الوضع ده النهارده باستعمال عقاقير تساعد لاعبيه علي الاداء بشكل جيد تحت ضغط أكسجين منخفض .
اترك تعليقا:
