كتبت ايمان الناغى
قالت سارة مجدي،
المعروفة إعلاميا بسيدة البلكونة، إن لديها بنتين تبلغ الأولى 4 سنوات والأخرى 3 سنوات،
كما أنجبت ولدًا يُدعى "محمد" منذ أربعين يومًا، موضحة أنها هي من عزمت على
إلقاء نفسها من البلكونة بسبب معاملة زوجها السيئة لها، وكذلك تدخل شقيقتها في حياتها
الشخصية.
وأضافت "مجدي"،
خلال مداخلة هاتفية في برنامج "مساء DMC"، مع الإعلامية إيمان الحصري،
على قناة "DMC"،
أن "والدتها من أنقذها من البلكونة قبل سقوطها أرضًا، ولكن أهله لم يحضروا الواقعة
من الأساس"، مستطردة: "أهله ناس مفتريين، بس مامته عمري ما شوفت منها حاجة
وحشة، وهي على عيني وعلى راسي".
وتابعت:
"قولت انتحر وولادي بقى تبقى تربيهم اخته، بس أنا مش هرجعله تاني، كفاية أوي عمري
اللي ضاع بسببه، ده إنسان معندهوش نية للتغيير، ولا مسؤولية لعياله، أنا مش عاوزه غير
إني اطلق بما يرضي الله زي ما اتجوزت بما يرضي الله، عشان عيالي ميقولوليش في يوم انتي
تسببتي في دخول أبونا السجن".
وذكرت أنها متزوجة منذ أن كان عمرها 19 سنة، وهي
تبلغ حاليًا من العمر 26 عامًا، وشقيقة زوجها تتدخل دائما في حياتها بشكل دائم، موضحة
أن زوجها كل فترة يطردها من المنزل عند والدتها ويأخذ إحدى بناتها ويترك لها الأخرى،
وعندما تريد العودة إلى عش الزوجية يقول لها زوجها "خليكي شوية عندي ظروف مالية"،
على حد قولها.
وأضافت "سارة"،
خلال مداخلة هاتفية في برنامج "مساء DMC"، مع الإعلامية إيمان الحصري،
على قناة "DMC":
"أنا بقالي كتير كنت عند بيت أهلي، وكل اللي يشوفني يقولي إنتي مش بتروحي بيت
زوجك ليه، لحد ما والدتي النهارده كانت عندنا ورجعتني البيت"، موضحة أن زوجها
فور عودتها تحدث معها بطريقة غير لائقة، كما أن شقيقته هددتها بأنها لن ترى أولادها
مرة أخرى.
وأوضحت أن شقيقة
زوجها قالت لها إن كل شيء يسير على مزاجها الخاص، وهددتها بأنها لن ترى أطفالها مرة
أخرى، مضيفة: "دخلت أوضة زوجي النهارده
عشان أديله الفطار لاقيته ماسك التليفون وبيتكلم مع ناس كده وكلمني بعدها بأسلوب مش
حلو وبص لي بصة مش حلوة، رغم إن وشي كان بيضحك، زقني وضربني وإيدي حتى الآن معلمة من
الضرب بتاعه، وجرجرني في الطرقة بتاعة الشقة"، موضحة أن ذلك دفعها لمحاولة الانتحار.
وتابعت:
"مش هو اللي رماني، أنا اللي كنت هرمي نفسي مش عاوزه أظلم حد، ومش عاوزه حاجة
منه، وهو معاملته معايا سيئة، وفيه مرة اتصلت بالنجدة عشان تنجدني أنا وأولادي منه".
اترك تعليقا:
